Du smyger i mørke, dunkle eikeskogar. Tåkedisen stryk eit fuktig drag over ansiktet ditt. Eit halvt rifleskot unna høyrer du urdyret brøle, og du kjempar mot adrenalinet som trugar med å ta heilt overhand. Du er ved sjølve kjerna i det å vere jeger: Du jaktar, brølande, kontinental hjort.
Vi kan by deg med på hjortejakt i både Kroatia og Serbia. Hjorten blir jakta ved smygjakt 1:1, til fots, og i brunsten handlar det om lokking eller ein kombinasjon av lokking og postering. Den beste tida er rundt brunsten 1. – 20. september. Alle norske storviltkaliber går fint an å bruke.
Jakta føregår tidleg på morgonen og sein ettermiddag. Vi jaktar kun i opne område, på hjortens heimebane. Elles er jakta ikkje spesielt fysisk krevjande. Skyteavstand er vanligvis opp til 150m.
Hjorten har sitt habitat i store skogsområde, der storvaksen bøk og eik dominerer, langs elvar som Drava, Sava og Dunau. Særleg likar hjorten seg i område som jamnleg blir oversvømt.
I Kroatia og Serbia er det gode hjortebestandar og du kan jakte på alle storleikar og trofé i medaljeklasse viss du ønskjer det. Slavonia og Baranja er dei mest kjende områda i Kroatia for hjortejakt. Her blir det tatt trofé i verdsklasse kvart år. I Serbia er det Vojvodina, langs elvar som Dunau og Tisa som er attraktive område for kvalitetshjortejakt.
Innlosjering er i jakthus i jaktreviret eller på nærliggjande hotell av god kvalitet, med full pensjon. Slavonia tilbyr store gastronomiske opplevingar med lokalmat som cobanac, fis paprikas og liknande. Gode kvalitetsvinar som Grasevina , Pinot Bijeli og Crni. Av spekemat er kjente spesialitetar som kulen, cvarci, kulenova seka, pancetta, ulike typar spekepølser av villsvin og mykje, mykje meir.
Høyrest dette spennande ut? I så fall, ta kontakt via e-post eller telefon for ein uforpliktande jaktprat. Kanskje kan vi i lag skreddarsy nettopp den jaktturen du har drøymt om, men aldri realisert?